Dinaluhan ng humigit kumulang limang libong kasapi at mga taga suporta ng Moro National Liberation Front o MNLF mula sa iba’t-ibang bahagi ng Bangsamoro areas ang opisyal na paglulunsad ng Bangsamoro Party(BaPa). Mismo si Moro National Liberation Front Chairman Datu Muslimin Sema at kasalukuyang tumatayong Chairman ng naturang Partido ang nanguna sa naturang okasyon. Sa mensahe ni Chairman Sema, iba na na ang labanan ngayon, hindi na armas kundi sa pamamagitan ng pagboto at ito na lamang ang isang paraan para makamit natin ang mga nakabinbing bagay sa mga naunang kasunduan sa pagitan ng MNLF at ng ating gobyerno . Inaasahan na sa darating na 2025 ay sasabak na ang naturang partido sa gaganaping eleksiyon na gaganapin sa rehiyon ng Bangsamoro.